Trenbideen azpiegiturez arduratzen den ADIF enpresak bihar goizaldean Izurdiagako pasa-bideko zorua konponduko du. ADIFeko langileek zeuden trabesak kendu, lurra berdindu eta lerrokatu eginen dute. Ondoren berriro trabesak jarri eta beharrezko tokitan asfaltoa zabalduko dute. Lan horiek direla eta gauerditik 4:00etara Irurtzun-Asterain (NA 7010) errepidea itxita egonen da.