Lurralde Kohesiorako Departamentuak, Herri Lan eta Azpiegituren Zuzendaritza Nagusiaren bitartez, Izurdiagan A-15 errepidera sartzeko errail berriaren eraikuntza esleitu du. Excavaciones Fermin Oses enpresari esleitu dizkio lanak 1,2 milioi eurotan (BEZa barne). Enpresak lau hilabete izanen ditu lanak despeditzeko.
AP-15era sartzeko adar berriak 815 metroko luzera izango du guztira, hasierako 371 metroak galtzada bakarrekoak izango dira, eta gainerakoa autobidearen azelerazio-erreiari dagokio, amaierako ziria barne. Adar horrek Izurdiaga, Errotz, Urritzola eta Irurtzungo herritarrei autopistarako irteera zuzena emango die, eta gaur egun Irurtzungo zeharbide nagusitik zirkulatzen ari den trafikoa arindu ahal izango da. Gainera, denbora eta distantzia murriztuko ditu sarrera hori Iruñerako noranzkoan egiteko.
Adar berriaren abiapuntua NA-7010 errepideko 21+400 kilometro-puntuan egongo da, Izurdiagako saihesbidean, eta erreia AP-15 autobideko 111+000 kilometro-puntuan sartuko da. Gainera, proiektuak glorieta bat eraikitzea aurreikusten du, 8 metroko galtzada batekin eta 20 metroko diametroa duen erdiko irlatxo batekin.