Hirugarren ekarpena

Erabiltzailearen aurpegia Edurne Larraza Mendiluze 2020ko urt. 24a, 08:32
-

Gaurkoan proposatzen dizuedan jolasean 7 kartako ilara bat daukazue aurrean. Kartak buruz gora edo buruz behera egon daitezke. 

Jolasterako garaian urrats bakoitzeko honako jarraibideak dituzu:

  • Kartak eskuinetik ezkerrera aztertu behar dituzu
  • Aztertzen ari zaren karta buruz behera baldin badago, buruz gora jarri eta hasi hurrengo urratsarekin
  • Aztertzen ari zaren karta buruz gora baldin badago, buruz behera jarri eta hurrengo kartara mugitu
  • Kartarik gabe geratzen bazara, gelditu

Adibidez,

Urratsa eman aurretik: 


Urratsa eman ondoren: 


Jarraibide horiei men eginez, zenbat urrats eman beharko dituzu 7 karta buruz behera egotetik buruz gora egotera pasa daitezen? 

Erantzun posibleak:

  1. 10 urrats edo gutxiago.
  2. 10 baino gehiago, baina gehienez 100 urrats.
  3. 100 baino gehiago, baina gehienez 1000 urrats.
  4. 1000 urrats baino gehiago.
  5. Ez da posible jarraibide horiekin 7 kartak buruz gora jartzea.

https://guaixe.eus/komunitatea/EdurneLarraza helbidean aurkituko duzue ekarpen hau eta bertan zuen erantzunak jartzeko aukera izango duzue. Nola lortu duzue erantzuna? Gainera, astebete barru nire azalpenak emango dizkizuet. (www.bebras.uk webgunetik ekarria)

ERANTZUNA (2020/02/02an gehituta):

Ekarpen honek aurrekoarekin parekotasun asko ditu. Biek algoritmo zehatz bat jarraitzen dute.

Lehengoan ikasleek geletako ateak ireki eta ixteko jaso zituzten jarraibideei eta oraingoan kartei buelta emateko jarraibideei informatikan algoritmo deritzogu.
 
Wikipediaren arabera algoritmoa argibideen segida mugatua da, arazo bat konpontzeko urratsez urratseko prozedura.
 
Eta bi kasu hauetan, algoritmoa zenbaki bitarrekin kontaketa egiteko algoritmo bera da.
 
Bitarra, hamartarra bezala posizio-sistema bat da, hau da, zenbaki bakoitzak duen posizioaren arabera balio bat du. Hamartarrean, ezkerrera egin ahala posizio bakoitzak aurrekoak baino 10 aldiz gehiago balio du, bitarrean ordea 2 aldiz gehiago. Horrela bada, posizio batean 1ekoa jarriz gero, beste guztietan 0koa jarrita, hamartarrez 10posizioa izango genuke eta bitarrez 2posizioa, hau da, 100=102=ehun hamartarrez, baina 100=22=lau bitarrez.
 
Kasu honetan zazpi posizio ditugu (zazpi karta). Zortzi izango bagenitu 10000000 jar genezake, hau da, 28=256 hori ken bat litzateke hain zuzen ere 1111111 hau da, 256-1=255 urrats eman beharko genituzke karta guztiei buelta emateko.

 

Iritzia