TXURIA DELAKOAN BELTZA!
Goizeko seietan, Urbasako magalean, Altsasuko bargan
Elurra mara mara ari du!
Elurrak zuritu du mendia.
Elurrean utzi du basurdeak arrastoa.
Elurraren zuritasuna!
Elurrarengandik zintzilik lantxurda.
Elurretara begira daude haurrak.
Elurretaranz doaz trineo eta guzti.
Elurretan erori da mutikotxo bat bere gorputzaren marrazkia utziz.
Elurrezko panpin handia egin dute.
Elurrarekin bolak egin dituzte eta gerra.
Elurrez blai gelditu dira.
Elurzuloan elurpilaketa handia.
Elurperatu dira han satorrak.
Elurretxean sua piztu du mendizale galduak.
Elurreztatu dira bidezidorrak.
Elurtu dira artzai-txabolaren aurreko iturriko urak.
Elurpean gelditu dira belatsoak.
Elurteak izutu ditu txantxangorriak.
Elurrarengatik esaten zuen amona Josuneren amona Frantziskak:
TXURIA DELAKOAN BELTZA!!!!!!