Aurrera egiteko hainbat gako daude: zure indarrak zeintzuk diren ikusteko gaitasuna, hobetzeko duzun hori onartzeko apaltasuna eta aurrera egiteko ausardia izatea. Coaching prozesu batek, zure identitatea indartzen lagundu ahal dizu, baita zure balore pertsonalak negozioarekin lerrokatzen edo eta behar dituzun ekintza ezberdinak diseinatzen ere.
Esperientzia asko edo gutxi izan, garbi dago horrelako lanetan bazabiltza, zalantza zure bidelaguna izan ohi dela. Batzuetan, etorriko denaren kuriositateak motibatzen laguntzen zaitu; eta, besteetan, ziurgabetasun horrek beldurra eragiten dizu, lekutik mugitu ezin uzten zaitu. Ziurgabetasunaren bi aldeak dira lagungarriak aurrera egiteko, batak ilusioa pizten dizun bitartean, besteak arduraz jokatzeko baliatzen zaituelako.
Hausnarketarako tarte bat hartzea proposatzen dizut oraingoan. Coaching Transformazionalak ekintzaileentzako hainbat aspektu kontuan hartzen ditu.
-
Zure bokazioarekin konektatu: hasi berri duzun proiektuan sinestu eta aurrera eramateko gai zarela jakitea ezinbestekoa da. Zure bokazioarekin seguru egon.
-
Ekintzak: ziurgabetasunaren bidean etorri daitezkeen erreonkei aurre egiteko kapaz zarela pentsatu behar duzu, zure ametsak errealitatera ekartzen eta ekintza konkretuetan gauzatzen.
-
Berritu: zure estilo propioa topatu behar duzu, gauzak modu berrietan egiten ausartu eta merkatuak eskatzen duenera moldatzen ere ikasi behar duzu.
-
Espezializazioa: inguruak behar duen horretara irekita egon behar zara.
-
Networking gehiago: zeintzuk dira zure aliatuak? Harremanetarako duzun gaitasuna landu behar duzu eta behar denean, laguntza eskatu.
-
Begirada sistemikoa: zure proiektua kanpotik ikusteko gaitasunean datza, zati eta atal guztiak dira garrantzitsuak eta elkarren artean konektaturik daude.
-
Helburu gorena: gizarteari eskaini nahi eta ahal diozun hori gogoratu egunero eta ematen dituzun pausuetan jarri behar duzu.
Ez utzi ziurgabetasunak zure bidea oztopatzen eta ausar zaitez zure ikuspegia aldatzen.
Zure negozioa edo ideia aurrera ateratzeko zailtasunak badituzu, edo eta aldatzeko garaia dela sumatzen baduzu, autonomoa bazara edo zure kabuz lanen bat martxan jartzen bazabiltza, ostiral goizeko lan taldean parte hartzera gonbidatu nahi zaitut. Ikus “Zu zeu, zure proiektua”, izena emateko idatzi iezadazu gaur bertan ainhoa@bainoa.com helbidera edo deitu 848 472 821 telefonora.