Gure ikastola ezagutzeko ateak zabalik dituzue!

Etxarrin eta Arbizun gaude, zuen etxetik oso gertu, eta zuekin partekatu nahi dugu zuen haurra hezteko prozesu errepikaezin hori, ahal den ingurunerik hoberenean: Euskal Herri osoko ikastolon eredu integratzaile, euskaltzale, motibatzaile eta positiboaren barnean. Andra Mari ikastolan parte hartzeko aukera eta erabakitzeko ahalmena izango duzue. Zuek erabaki eta eraiki dezakezue nolakoa nahi duzuen izatea zuen haurraren hezkuntza, eta irakasleoi lagundu zuen haurrari honako hau eskaintzen: formakuntza akademikoan eta baloreetan oinarrituriko hezkuntza, integratzailea eta anitza, zuen haurra ongi prestatuko duena pertsona izateko zein etorkizun profesionalerako.