Ze azkar pasatzen den
bizitzan denbora;
Haur Hezkuntzatik hasi
ta bagoaz gora.
Nahiz ta eskolan gauden
benetan gustora,
eskola utziz goaz
gu institutora.
Gogotsu ta urduri
norbere lekuan,
ilusioz beteta
joateko orduan
eta beldurra ere
badugu buruan;
emozio pila bat
ditugu barruan.
Instira joateak
zera egiten du:
aukera pila eman
ta denbora kendu.
Lortu nahiko genuke
laguna lagundu,
lagun berriak egin
ta zaharrak mantendu.
Azterketa gehiago
ta goizago jaiki,
gehiago ikasita
gu gaude hobeki!
Gu autobusaren zain,
hor dator poliki;
ate bat itxi eta
beste bat ireki.