.JPG)
Hau izango da bertsoen estribilloa, Ane Piratak soinuz lagunduko duena:
"Herriak bere eskola eta
eskolak bere herria
eskua emanda hasiko gara
sortzen Sakana berria".
Olaztiko Herri-Eskola:
Gu Sakanako herriak gara
guztiak plazan bilduta
Olaztiarrek agur bero bat
bertsoekin lagunduta.
Altsasuko Zelandi Eskola:
Altsasukoa da taldetxo hau
eta gatoz Zelanditik
guraso, ikasle, irakasleak
lanean euskaragatik
Urdiaingo Herri-Eskola:
Urdiaingo herritarrak gara gu
alaiak eta bihurriak
gaur Sortzen jaia ospatzeko asmoz
Altsasura etorriak.
Iturmendiko Herri-Eskola:
Iturmendiko eskola zaharrak
berria sortzen ikusi
guk ere euskaraz nahiko genuke
jolastu eta ikasi
Etxarriko Herri-Eskola:
Hau da betiko gure herria
ta Etxarri du izena
zuei ta Sakana guztiari
irekita dagoena
Arbizuko Herri-Eskola:
Arbizuko eskola txikian
hiru, lau, bost, sei urteko
bihotz handia dauka ordea
dena zuei emateko
Lakuntzako Herri-Eskola:
lakuntzan beti animoz alai
kanpotik eta barrutik
edaten jarraituko nahi genuke
euskararen iturritik
Uharte-Arakilgo Herri-Eskola:
Uharten gauden neska-mutilak
iraksle, gurasoak,
zuen ondoan euskaraz eman
nahi genituzke pausoak.
Irurtzungo Atakondoa ikastetxea:
Atakondoan Irurtzun eta
ingururuko herritatik
etorkizuna ikusi nahian
euskararen atakatik