Eduki hau partekatzeko esteka arbelera kopiatu da.
Sakanako Mankomunitateko Euskara Zerbitzuak Lakuntzako Udalarekin batera, euskal jolas eta kantuen tailerra antolatu du abenduaren 30erako. Lakuntzako zineko sarreran bilduko dira eskualdeko neska-mutilak, 17:30ean, Txatxilipurdi Elkarteko begiraleekin.Tailer horretan parte hartu nahi dutenek Haur Hezkuntza edo Lehen Hezkuntzakoak izan beharko dute. Eta izena ematerakoan mugitu beharko dute, parte-hartzaile kopurua mugatua baita. Izena emateko Sakanako Mankomunitatera hots egin behar da: 948 464840/67 telefonoetara. Izena eman besterik ez da egin behar, tailerra doakoa baita. Saioa 5 eta 11 urte bitarteko haurrei bideratuta dago. Euskal jolasak eta kantuak ditu ardatz saioak eta bi orduz ariko dira.