Imanol Goñi debutantea garaile Lakuntzan

Sakandarrak Lakuntzan1.Imanol Goñi: 2:10:295.Angel Arrieta (Uharte): 2:13:379.Jon Arrieta (Uharte): 2:20:3114.Jose Luis Beraza (Uharte): 2:23:3223.Fermin Gabirondo (Olazti): 2:29:5624.Migel Angel Lanchas (Uharte): 2:30:4031.Patxi Albeniz (Uharte): 2:33:4033.Jose Javier Maiza (Etxarri): 2:34:1338.Evaristo Noveleta (Irurtzun): 2:36:1140.Gorka Santesteban (Etxarren): 2:36:3355.Alberto Razkin (Etxarri): 2:40:5261.Alberto Arrizabalaga (Olazti): 2:44:2664.Aritz Munarriz (Etxarri): 2:44:3769.Juan Luis Maiza (Etxarri): 2:46:0471.Iban Gonzalez (Urdiain): 2:46:5377.Iker Bueno (Altsasu): 2:51:0093.Juan Carlos Lakuntza (Uharte): 2:56:0095.Aitor Salinas (Etxarri): 2:56:0597.Iban Azanza (Etxarri): 2:57:0098.Jose Antonio Salgado (Altsasu): 2:57:03102.David Oroz (Urdiain): 2:57:55104.Aritz Pellejero (Lakuntza): 2:58:24118.Fernando Ariztegi (Iturmendi): 3:07:36120.Xabier Martinez (Altsasu): 3:07:38122.Juantxo Gaya (Lakuntza): 3:08:14134.Sergio Goñi (Olazti): 3:10:33141.Jon Garasa (Olazti): 3:12:30144.Asier Turunbai (Uharte): 3:13:58155.Jone Pelaez (Altsasu): 3:29:31156.Aingeru Azazeta (Altsasu): 3:29:31Zabalarte klubak antolatuta, 180 korrikalari inguruk hartu zuten irteera Lakuntza-Aralar Mendi Lasterketa osatzeko asmoz. Eguraldia primerakoa zuten: eguzkia nagusi baina basoan itzalgune asko eta haizea firi-firi, korrikalarien ahaleginak freskatuz. Aralarreko ingurune ederrean barna 28,5 km-ko eta ibilaldia (2.308 metroko desnibela) zuten aurrez-aurre korrikalariek, eta 164 iritsi ziren helmugara. Proba Nafarroako Mendi Lasterketen Koparako puntuagarria zen. Guardetxe (1.035 m), Belokiko lepoa (1.205 m), Unako putzu eta Hirumugarrietako tontorrera (1.431 m, Aralarko tontorrik altuena) igo ondoren, jaitsierari ekin zioten, Errenaga (1.298 m), Pagomari (1.140 m) eta Sandindegindik Lakuntzara helduaz. Hasieratik Imanol Goñi, Mikel Idirin eta Aritz Kortabarria - bi alditan garaile izandakoa - jarri ziren aurrean. Baina Guardetxen bidez nahasi ziren, eta nahiz eta berehala konturatu, Xabat Manzisidor batu zitzaien. Azken honek hartu zuen aurrea, baina jaitsieran, 4 kilometroren faltan, Imanol Goñi bizkaitarrak aurrea hartu zion eta helmugara bakarrik heldu zen (2:10:09). Mikel Idirini 39 segundo atera zizkion. Iazko garaile Unai Santamaria hirugarrena izan zen (2:12:11). Aurten lehen aldiz aritu zen Lakuntzako proban Eako Natxituako Imanol Goñi, eta oso kontentu zegoen. "Proba izugarri gustatu zait, paisajea oso ederra zen. Errepikatuko dut" zioen. Emakumezkoetan, Alizia Olazabal gipuzkoarra izan zen garailea (2:36:40), Nerea Amilibiak zuen errekorra gaindituz. Amilibia bigarrena izan zen (2:39:06), eta Aitziber Ibarbia hirugarrena (2:57:37). Garaipena "oso berezia" izan zela nabarmendu zuen Olazabalek. 30 sakandar eta Angel Arrieta azkarrenaSakandarrei dagokienez, 30 korrikalari inguru animatu ziren Lakuntzako proba osatzera, zenbaki oso polita. Azkarrena Angel Arrieta uhartearra izan zen, helmugan 5.a sartu eta gero (2:13:37). Bere anaia Jon Arrieta (9.a, 2:20:31) eta Jose Luis Beraza uhartearrak (2:23:32) izan ziren bigarren eta hirugarren sakandarrak, Uharte Arakilgo Aralar Mendi kluba indartsu dagoen seinale. Emakumezkoetan Jone Pelaez altsasuarra izan zen sakandar bakarra (155.a, 3:29:31). Lehen lakuntzarra Uharte Arakilen bizi den Patxi Albeniz izan zen (31.a, 2:33:40). Guztia ongi ateratzeko 80 pertsona inguru ibili ziren antolakuntza lanetan. Korrikalariek 5 hornidura gune izan zituzten eskura, eta bukaeran Surya masaje eskolako kideen eskutik masaje ederra jasotzeko aukera izan zuten. Horretaz gain, guztiek kamiseta eta produktu lotea jaso zuten opari. Lehendabizikoek 350 euro, txapela eta trofeoa jaso zituzten, bigarrenek 120 euro eta trofeoa eta laugarrenek, bosgarrenek eta seigarrenek kirol jantziak. Lehen sakandarrek, lehen lakuntzarrek eta lehendabiziko hiru beteranoek trofeoa jaso zuten. Aipatzekoa da trofeoa Zabalarte klubaren logoa zuen eskulturatxoa zela. www.lakuntza-aralar.comDenborak eta informazio guztia. Omenaldia Pello Ruiz BordegarairiSari ematearekin hasi baino lehen, Zabalarte klubak omenaldi beroa egin zion Pello Ruiz Bordegarairi. Lemoarra jaiotzez, 18 urtetatik Lakuntzan bizi da eta bertan sortu zuen familia. Mendizale amorratua, Sakanako Mendizaleak taldeko lehendakaria urte luzez, elkarteak eta ibarreko klubek antolatutako irteera gehienetan hartu du parte. "Lakuntzan mendizaletasuna bulkatzeko pertsona klabea izan da, ezinbestekoa. Berari esker hasi ginen asko eta asko mendira joaten" adierazi zuen Zabalarte klubeko Andoni Peñak. Omenaldia sorpresaz hartu zuen Pello Ruizek, probaren antolakuntza lanetan murgildua baitzegoen. "Egia esan, ilusio handia egin dit" adierazi zuen. Egun ezin du bere zaletasuna burutu, lesioa baitu, baina ahal duen guztian laguntzen jarraitzen du.