Kultur ille egitarauak hitzordu bikoitza iragarri du etzirako. 13:30ean, elizan, Tolosako Eduardo Mokoroa musika eskolako klarinete taldeak kontzertua eskainiko du. Boskote tolosarrak musikaren historian barnako paseo baterako gonbitea luzatu digu. Hala, garai guztietako musika entzuteko aukera izanen da igandean Lakuntzako elizan: hasi XVII. mendeko Purcellekin eta Lou Vegaren Manbo nº5-eraino. Tolosako musika eskolako irakasle Jasone Etxebeste Razkinek aurreratu digunez, klarinete taldeko kideek joko duten pieza bakoitzari buruzko azalpenak emanen dituzte, adin guztitarako kontzertu didaktikoa osatuz.Musikarekin gozatu ondoren Hodei mago altsasuarrak arratsalde pasa ederra eskainiko die lakuntzarrei eta hurbiltzen diren guztiei.