Oñatik bi mendi lasterketa hartu zituen asteburuan. Ostiral gauean, gaueko 22:00etan hasita, Butraitzeko igoera jokatu zen (2,7 km). 71 korrikalarik osatu zuten gaueko proba hori eta Iban Murua (25:09) eta Ainhoa Lendinez (35:25) izan ziren azkarrenak. Beñat Katarain lakuntzarrak 8. Postua lortu zuen (30:15) eta Mikel Rubio irurtzundarrak 3 minutu beranduago gelditu zuen erlojua (33:00). Patxi Rubio uhartearra 36.a sailkatu zen (35:57).
Igandean uhartearrak Aloñan
Larunbatean atsedena hartu eta gero, igandean XII. Aloñako Igoera jokatu zen Oñatin (22,6 km, 1.868 m desnibel positiboa). Imanol Goñi (2:04:09) eta Oihana Kortazar izan ziren txapeldunak (2:40:27). Uharte Arakilgo talde bat lehiatu zen bertan. Patxi Rubio 50.a sailkatu zen (2:44:42), Javier Gonzalo 144.a (3:07:56) eta Aranatzazu Larrañaga 152.a (3:12:43). Larrañaga probako zazpigarren emakume azkarrena izan zen.
Ostiral gauean Butraitzeko igoera jokatu zen Oñatin eta igandean Aloñako igoera