Bertako produktuen azoka igandean

Bertako ekoizleei bulkada emateko ideiarekin segitzen du Lakuntzako Udalak. Horregatik, berreskuratu zuen herriko azoka joan den urtean. Bertako ekoizleen eta artisauen produktuak lakuntzarren eta bisitarien eskura jarriz haiek ezagutzera eman eta tokiko ekoizpenen kontsumoa sustatu nahi du horrela udalak.

30 bat salmahai izanen dira guztira. Bertako ekoizleak, gehienak, plazan izanen dute euren tokiak eta Mikel Arregi kalean izanen dira artisauak. Aurrenekoen salmahaien artean dabiltzanak txistorrak, gazta, pastelak, goxokiak eta bestelakoak opatuko ditu. Bigarrenen postuetan poltsak, bitxiak eta gehiago opatuko ditu. Gainera, 11:00etatik aurrera, eliz dorrearen ondoan dagoen karpan cava gunea zabalduko da. Han bertan Nafarroako txekorra eta basatxerria menua duen herri bazkaria izanen da.

Eguerdian, bestalde, Lakuntzako azienda erakusketa eginen da eta behiak, ardiak, ahuntzak, pottokak, zaldiak, txakurrak… ikusteko aukera izanen da.

Egitaraua
10:00etatik 15:30era Bertako produktuen azoka.
    Artisau produktuen txokoa.
11:00etan Cava gunearen irekiera.
12:00etan Ganadu erakusketa.
12:30ean Sega erakustaldi herrikoia, eliza atzean.
13:00etan Aizkolariak, plazan.
14:30ean Herri bazkaria, cava gunean.

Oharra: 

Igandean Mikel Arregi kalea, plaza inguruan, eta erdiguneko beste kale batzuk oinezkoendako izanen dira.