Ostiralean Garikoitz Flores pilotuak piztu behar zuen San Saastin festetako etxajua. Hala, gidari gida lortutako lorpenak aitortu nahi zitzaion. Baina ez zuen egin, ostiralean bertan Jose Ramon Lopetegi zinegotzi ohia eta abeltzaina hil zelako. Hasiera isila beraz, festendako. Baina hasi eta bart etxera berandu joan diren parranderoekin despeditu dira San Saastin festak Lakuntzan. Ostiraleko piperropil lehiaketa Jesus Mozok irabazi zuen, joan den urtean bezala.
Larunbat gauerdian jende gehien biltzen duen ekitaldia izan zen: danborrada. Ricardo Aretak eta Jose Arregik zuzendutako 60 danbor-joleek Haize Berriak bandako kideekin osatu zen Ozarki txarangarekin batera San Saastin martxa, Pamplonesaren diana, 2. diana, Tatiago eta Idiyarena jo zituzten.
Urtero moduan danborradak herritar bat omendu zuen eta larunbatean Yeray Lanz Azpilikueta izan zen omendua, joan den urtean lan istripuan hil zena eta danborradako parte-hartzailea zena. Hark utzitako hutsunean ere agerian gelditu ziren. Lakuntzako Pertzako presidenteak ohorezko txanoa Kontxi Azpilikuetak, Yerairen amak, jaso zuen, aldamenean alaba eta semearen bikote zena lagun zituena. Jasotako babes guztiagatik eskerrak eman zituen. Une oso hunkigarria izan zen, jende askoren malkotan utzi zuena.
Atzo San Saastin ermitan egindako mezan elkartu ziren lakuntzarrak, erromerian. Lakuntzako Pertza elkarteak auzatea eskaini zuen elizkizuna eta gero. Arratsaldean kintoek alkate dantza dantzatu zuten plazan.
Lakuntzako danborradak omendutakoak | ||
Urtea | Omenduak | Ohorezko txanoa jasotzearen zergatia |
1997 | Arantza Urzelai | Danborradan parte hartu zuen emakumezkoa izateagatik. |
1998 | Daturik ez | |
1999 | Daturik ez | |
2000 | Daturik ez | |
2001 |
Emilio Andueza Ramon Andueza Felipe Flores |
Urdilzalea izana, hil ondorengo aitortza. Urdilzalea izana, hil ondorengo aitortza. Urdilzalea izana. |
2002 |
Pedro Mari Ruiz Iñaki Lazkano |
Olentzeroren etorrera antolatzeagatik. Errege magoen etorrera antolatzeagatik. |
2003 |
Lukas Andueza eta Migel Areta Elai Alai dantza taldea |
53 urtez Lakuntzako abesbatzako kide izateagatik. 20. urteurrena ospatzen zuelako. |
2004 | Erraldoien konpartsa eta Bil Toki | Errldoiak eta buruhandiak egiteagatik eta festetan egunero ateratzeagatik. |
2005 |
Angel Luis Goñi Xanti Lopetegi Ander Lopetegi Salletar anaiak |
Musika eskolako zuzendaria eta akordeoi irakaslea. Hand-bike txapelketan bitan txapeldun. Bikoteka munduko pilota txapelduna. Lakuntzako eskola laboralean egindako lana eskertzeko. |
2006 | Karmele Garmendia | Lakuntzako ikastolako aurreneko irakaslea, ikastolaren sustatzaileen izenean. |
2007 |
Milagros Lazkano Lakuntzako Pertzako boluntarioak |
11 urtez elkarteko garbitzaile izandakoa. Lakuntzako Pertza eguna antolatzeagatik. |
2008 | Guardetxeko familia | 97 urtetan lakuntzarrei egindako harreta beroagatik. |
2009 | Mari Jose Imirizaldu | Eskolako irakasle 40 urtez izandako eta jubilatu berri zen irakaslea. |
2010 |
Jose Ramon Garin Joxe Flores |
Lakuntzarrek danborradari emandako babesagatik alkateak jaso zuen txanoa. Danborradako sustatzaile eta aurreko 10 urteetako zuzendari izateagatik. |
2011 | Joxe Migel Olano | Elkartearen eta herriko kirolaren alde egindako lanagatik. |
2012 |
Jesus Arraiza Santiago Mendinueta Javier Andueza |
Hil ondorengo aipamena Lagun Artea futbol taldean egindako lanagatik. Hil ondorengo aipamena futbol taldean eta elkartea handitzean egindako lanagatik. Lagun Artea futbol taldean egindako lanagatik. |
2013 |
Anastasio Lazkoz Joxe Andueza |
Urtetan herriko apaiza izandakoa eta 2013an bertan jubilatua. Aralar txirrindulari taldean urte luzez egindako lana aitortzeko. |
2014 | Parkea martxan ekimena | Parkea egiteko baliabiderik ez zegoen eta auzolanean parkea egin zen. |
2015 |
Juan Jose Burillo Joxe Lazkano, Toto Jesus Mari Zabarte, Casto |
Urtetan danborradako estandartea eramateagatik. Edozein fabore egiteko prest dagoelako, beti laguntzeko prest. |
2016 | Ander eta Joseba Ganboa | Bi anaiak danborradan ibilitakoak, aurrenekoa 2015ean ehiza istripuan hil zen. |
2017 | Sabino Navarro | Gozogilea urtetan San Saastin eguneko erromerian piperropilak banatzegatik. |
2018 | Jokin Alegria, Kale | Margolariak egiten duen lana eskertu zioten. |
2019 | Yeray Lanz Azpilikueta | Danborradan hutsik egiten ez zuen gaztea 2018an hil zen. |
Lakuntzako piperropil lehiaketako irabazleak | |
Urtea | Irabazlea |
2000 |
Itziar Ruiz Estitxu Ruiz Fatima Vazquez |
2001 | Daturik ez |
2002 |
Rosa Andueza Kontxi Arbizu |
2003 |
Jesus Mari Gaztañaga Jesus Mari Arza |
2004 | Cristina Razkin Larunbe |
2005 | Mario Rosario Lazkoz |
2006 | Cristina Razkin Larunbe |
2007 |
Fatima Vazquez Mila Reparaz Marta Razkin |
2008 | Cristina Razkin Larunbe |
2009 | Daturik ez |
2010 | Lourdes eta Rosario Soto |
2011 | Unai Razkin |
2012 | Cristina Razkin Larunbe |
2013 | Daturik ez |
2014 | Lourdes eta Rosario Soto |
2015 | Lourdes eta Rosario Soto |
2016 | Lourdes eta Rosario Soto |
2017 | Lourdes eta Rosario Soto |
2018 | Jesus Mozo |
2019 | Jesus Mozo |