Abenduan 25 urte beteko da Guaixe hilabetekaria argitaratzen hasi zela. Hilero-hilero Sakanako berriak etxeetaraino eramaten zituen argitalpenaren ale zaharrak bildu eta lakuntzarren eskura jarri ditu Guaixe fundazioak. 1994 eta 2002. urteen artean lakuntzar mordoa eta makina bat albiste izan ziren protagonista astekarian. Horiek gogorarazteko bilduma liburutegian ikusgai dago nahi duen guztiarendako. Guaixe fundazioak propio prestatutako txoko batean dago. Hilabetekariarekin batera 2001 eta 2003. urteen artean argitaratu zen Oixe astekariaren aleak ere kontsulta ditzake interesatuak.
Orri pasa dagoen bakarren batek ikusitako zerbait berarendako nahiko balu, alea erakusketan uztea eta Guaixe fundazioarekin admin@guaixe.eus e-posta bidez harremanetan jartzea eskertuko genioke. Eskatutako alea oparituko lioke fundazioak. Trukean alearekin argazki bat egitea eta sare sozialetan partekatzea eskertuko lioke fundazioak. Azken horretarako #batzengaituena edota #Guaixe25 traolak erabil daitezke. Erakusketan photocall-a ere badago. Bakarren batek bere burua Guaixe edo Oixe zahar batean ikusi eta harekin argazkia egin nahi badu horretarako aukera ere badu. Guaixe fundazioak denboraren kapsula txikia den erakusketa bisitatzera gonbidatu ditu lakuntzarrak.
Egutegia
Liburutegia Data
Lakuntza Apirilak 29 - Maiatzak 10
Iruñea Maiatzak 14 – Maiatzak 25
Irurtzun Irailak 30-Lastailak 11
Etxarri Aranatz Lastailak 14-25
Olatzagutia Lastailak 28-Azaroak 8