Garai bateko feria berreskuratu asmoz 2016an bertako produktuen azoka antolatzeari ekin zion Lakuntzako Udalak, Cederna Garalur elkartearen laguntzaz. Ordutik azokaren helburua da lehen sektoreari eta tokiko produktuei bultzada eta ikusgarritasuna ematea. Lakuntzako plazan 15 ekoizleren postuak izanen dira eta haietan hestekiak, gaztak, barazkiak, barazki kontserbak, pastelak eta beste eskainiko dituzte.
Lasterbidean probagatik aurten artisau guztiek ezin izanen dute Mikel Arregi kalean egon. Zurezko jostailuak, oinetakoak, osagarriak, bitxiak, poltsak, artilezko popinak eta bestelako eskaintza duten sei postu Mikel Arregi kalean izanen dira eta gainontzeko lauak Abarrategi kalean. Kale horretan, bestalde, azienda erakustaldia izanen da, behiak, ardiak, ahuntzak, pottokak, zaldiak, txakurrak eta beste.
Lehiaketak
Aurretik, II. Patata tortilla lehiaketa jokatuko da larunbatean, 18:00etan, plazan. Izena eman duten parte-hartzaileek zortzi arrautzako patata tortilla bana egin beharko dute. Bi osagai horiek udalak emanen dizkie eta hark sukaldariek lan egiteko mahaiak ere jarriko ditu. Gainontzeko tresneria parte-hartzaileen esku izanen da. Lehiaketa 18:00etan hasiko da eta tortillak 19:30erako aurkeztu beharko dituzte.
Jakina, parte-hartzaile bakoitzak nahi dituen osagaiak erabiltzeko aukera izanen du patata tortilla egiterakoan. Prestatutakoa udalak emandako platerean aurkeztu beharko da. Epaimahaiak aurkezpena, zaporea, sormena eta egite puntua izanen ditu kontuan puntuak ematerakoan. Haien lanaren ondoren, tortillak dastatzeko aukera izanen da. Gastronomia lehiaketa horrekin asetzen ez denak, ostegunean Gure Nahia jubilatu elkartearen tarta lehiaketan parte hartzeko aukera izanen du.
Egitaraua
Maiatzak 18, larunbata
18:00etan II. Patata tortilla lehiaketa, plazan.
Maiatzak 19, igandea
10:00etatik 15:30era Bertako produktuen azoka.
- Artisau produktuen azoka.
- Brun forjaren erakustaldia.
- Irrati saioa zuzenean.
- Trikitilariak.
11:30ean Irurtzungo Iskide taldearen kale-animazioa.
12:00etan Azienda erakusketa.
Ekoizleen postuak | Produktua |
Mañeko | Pastelak |
Reino de Navarra | Barazki kontserba |
Oiaralda | Barazkiak |
Ana Añibarrao | Pastelak |
Lautada landa garapen elkartea | Bertako produktuak |
Oihane Rodrigo Cervantes | Txerrikiak |
Sojo natura | Belar kremak |
Isidro Arregi harategia | Txerri hestekiak |
Agirre harategia | Txerri hestekiak |
Vialdea Gurea | Eztia |
Carlos Aramendia Bengoetxea | Ardi gazta |
Trufas Lorea | Txokolatea/Bonboiak |
Zubietako talogileak | Taloak |
Erlantz | Eztia |
Ekollaondo | Arrautzak/Gazta |
Eskulangileen postuak | Produktuak |
Pedro Maria Olea Armendariz | Zurezko jostailuak |
Xabier Iturrioz Garmendia-Mª Carmen Del Rio | Oinetakoak |
Tomas Mauleon | Zurezko osagarriak |
Biraka tailerra | Zurezko osagarriak |
Artilezko Hodeiak | Artilezkoak |
Irantzu Legarra Beunza | Poltsak |
Angela Arce Mautone | Bitxiak |
Mikene Bitxiak | Bitxiak |
Maria Luisa Soto Muro | Bitxiak |
Begoña Eta Teresa Armendariz Leyun | Lanazko popinak |
Eragileen postuak |
Nafarroa Oinez 2019 |
Anfas |
Kibera pride |
Txingurriye elkartea |
Gure Esku Dago |
Altsasukoak aske |