Ekitaldiz betetako asteburua dute aurretik lakuntzarrek

Aparteko mugimenduko asteburua izanen da honakoa Lakuntzan. Udalak iganderako bertako produktuen azoka antolatu du. Lakuntzako plazatik 10:00etatik 15:30era pasatzen denak 16 elikagai (txerrikia, pastelak, kontserbak, marmeladak, txokolateak, taloak, gazta) eta 10 artisau (zurezko jostailu eta osagarriak, ezpelezko etxe tresnak, poltsak, xaboiak, bitxiak, larrua, pilotak…) postu opatuko ditu. Gainera, eguerditik aurrera herriko azienda (ardiak, ahuntzak, poniak eta behorrak, oiloak…) ikusgai jarriko dute abeltzainek. 

Larunbatean Elai Alai dantza taldearen eguna izanen da. 12:00etan erraldoi konpartsak lagundutako kalejira izanen da. 16:30ean apar festa dute eta 19:00etan dantza saioa eskainiko dute. Hura despeditzean, 19:30ean, buruhandiak aterako dira. Eta 21:30ean zezensuzkoarekin bukatuko da ospakizuna. Larunbat arratsaldean jokatuko den VI. tortilla txapelketa jokatuko da. Oinarriak www.lakuntza.eus webgunean daude. Parte hartu nahi dutenek lakuntzakultura@gmail.com e-posta helbidean eman beharko dute izena. Larunbatean, 17:00etan, pasa beharko dute osagaiak jasotzeko. Tortillak egin ondoren, haiek 18:30ean aurkeztu beharko dituzte. Epaimahaiak dastatu eta sariak banatuko dira.