Udal musika eskolako sei irakasle plazen deialdia eginen du udalak

Aldi baterako enplegua egonkortzeko eta finkatzeko prozesu bereziaren barnean, eta enplegu publikoan behin-behinekotasuna murrizteko premiazko neurriei jarraituz, Lakuntzako Udalak bere musika eskolako sei irakasleren plazak merezimendu lehiaketa bidez beteko ditu bi urte barru. Honakoak dira merezimendu lehiaketa bidez beteko diren irakasle lanpostuak: musika hizkuntza eta  musika eta mugimendua, pianoa, bateria, gitarra, akordeoia eta tronpeta. Guztiak B mailako lanpostuak dira, ordutegi aldagarrikoak eta euskarazko C1 ezagutza eskakizuna dutenak. Haietan interesa dutenek beraien eskabideak Lakuntzako udaletxean 2024ko garagarrilaren 24tik aurrera aurkeztu beharko dituzte.