Abuztuaren 26tik 31ra ospatuko diren 2023ko Lakuntzako festak iragarriko duen kartel lehiaketa antolatu du Lakuntzako Udalak. Lau kategoria daude: 7 urtera arte, 7 eta 10 urte bitarte, 10 eta 16 urte bitarte eta 16 urtetik gorakoen kategoria. Lanetan LAKUNTZAKO JAIAK 2023. Abuztuaren 26tik 31ra testua agertu behar da, eta hiru tamainatan aurkez daitezke: DIN-A1 (59,4 x 84,1 cm), DIN-A2 (42 x 59,4 cm) edo DIN-A3 (29,7 x 42 cm). Lanak udaletxeko atarian egongo den kutxa batean utzi behar dira, eta aurkezteko azken eguna 2023ko ekainaren 30 da.
Sariei dagokienez kategoriaren araberakoak izanen dira, 7 urtera arte eta 7 eta 10 urte bitartekoen kategorian 30 euro, 10 eta 16 urte bitartean 50 euro eta 16 urtetik gorakoentzat 150 euro. Oinarriak osorik Lakuntzako Udaleko webgunean daude.