Bertako produktuak bultzatzeko eta sustatzeko helburua izanen du aurtengo Lakuntzako Azoka. Maiatzaren 26an, igandea, izanen bertako porduktuen azoka, hazienda erakusketarekin, elikadura eta artisautza salamahaiekin, eta abarrekin. Aurten, gainera, aurreko egunetan hiru ekimen antolatu dituzte, oinarrian bertako produktuak dituztenak.
Maiatzaren 23an, osteguna, Kalaxka proiektuaren aurkezpena eginen dute. Kalaska gizarte ekimeneko elkarte kooperatiba da, Sakanako haragi eraldatze gunea; Etxarri Aranazko hiltegia biziberritzeko eta Sakanan tokiko haragia balioan jartzeko proiektu estrategikoa.
24an, ostirala, Sakanako produktuekin egindako pintxo potea antolatu dute herriko tabernetan, eta 25ean Nafarroako produktuekin egindako Tortilla txapelketa eginen dute. Maiatzaren 24ra arte eman daiteke izena info@lakuntza.eus epostara mezua bidaliz, 10 eurotan, eta parte hartzaileek Uharteko dozena bat arrautza, Aezkoako bi kilogramo patata eta Nafarroako litro bat olio jasoko dute. Lehiaketa plazan bertan eginen dute, 19:00etatik aurrera.
2024ko Lakuntzako Azokaren egitaraua
Maiatzak 23 osteguna
19:00 Kalaxka proiektuaren aurkezpena, udaletxean.
Maiatzak 24 ostirala
Arratsaldean, Dastatu Sakana! produktuekin egindako pintxo potea, tabernetan.
Maiatzak 25 larunbata
19:00 Nafarroako produktuekin egindako Tortilla txapelketa, plazan.
Maiatzak 26 igandea
Azoka eguna
10:30 - 14:30 Bertako produktuen azoka:
Lakuntzako Hazienda eraksuketa: txekorrak, zaldiak, ardiak, oiloak, txerriak...
Elikadura eta artisautza azoka.
lakuntzarren txokoa.
Sakanako proiektuak ezagutu: Kalaxka, Sakanako hazien proiktua, irrati saioak zuzenean.
11:00 Landatu Sakanao haziak... eta jan! tailerra.
12:30 Artzai txakurren erakustaldia: Alejandro Ibarra eta Alar Lopetegi.
13:30 Herri kirol erakustaldia.
13:30 Auzatea bertako haragiekin.