Aceros Moldeados de Lacunza SAk (AMLSA) Lakuntzan altzairuzko piezak fabrikatzea galdakatzeko lantegia du. 2002an ireki zenetik, zehazki, 1.000 kg-ko edukierako bi galdaketa-labe elektrikoren ordez beste bi labe paratu dituzte, hozteko dorreak dituztenak eta 1.500 eta 2.000 kg-koak, hurrenez hurren. Aldaketa horien ondorioz, jarduerak murriztu egin ditu emakidaren bolumena, Arakil ibaira isuritako urak eta energia-kontsumoaren tasa, etaenpresaren Arbizuko lantegira eraman ditu, besteak beste, aurreko lizentzian sartutako piezen desugertze- eta kontrol-prozesuak.
Egin dira jardueraren funtzionamendu-baldintzak eguneratzeko izapideak; izan ere, txertaturiko aldaketen ondorioz, areagotu egin da ekoizpen-gaitasuna eta gainditu egin du eguneko 20 tonako muga. Hori dela eta, hasieran eskuratu zuen baimenaren ordez, hau da, jarduera sailkatuaren udal-lizentzia, ingurumen-baimen integratua eskuratu behar du, Kutsadura Prebenitzeko eta Kontrolatzeko Legearen testu bategina onesten duen abenduaren 16ko 1/2016 Legegintzako Errege Dekretuan aurreikusitakoari jarraikiz.
Enpresak Lakuntzako lantegiaren ingurumen-inpaktuaren adierazpena egiteko eskaera aurkeztu zuen Ekonomia Zirkularraren eta Berrikuntzaren Zerbitzuan joan zen urtean. Gobernuak eskaerari oniritzia eman dio, zenbait baldintza jarriz.