Lakuntzako Udalak jakinarazi duenez, aurtengo zirkulazio zerga ordaintzeko epea martxoaren 4an bukatuko da. Udal ordainagiriak helbideratuta dituztenei aipatu data baino lehen zenbatekoa kontu korrontean kargatuko diete. Udalaren erreziboak helbideratuta ez dituztenek, berriz, epearen aurretik Lakuntzako kutxa edo banku batean pagatu beharko dute. Epea pasata, bakarren batek zerga ordaindu ez badu, premiamendu bidetik kobratzeko Agentzia Exekutibora horren berri bidaliko du udalak, eta ordainagiriko kopurua eta dagokion errekargua ordaindu beharko dira.