Martxoaren 8a bertan da eta aukera hori baliatuta Lizerrako emakumien topaketa antolatu dute biharko. 09:00etan jarri dute aurreneko hitzordua elkartean, elkarrekin gosaltzeko gonbidapena da. Emakumezko lizerratarrak elkartean bildu ondoren, handik gertuy dagoen eskola zaharren eraikinera joanen dira. Han, 10:00etan, hainbat gai jorratuko dituen hitzaldi-tailerra izanen da: komunikazioa, emozioak, nolako heziketa jaso dugu emakume bezala, nolako eragina du gure bizitzan? Olatz Berastegik gidatuko du saioa. Harri lekukoa meditazio saio batek hartuko dio 12:00etan. Horregatik, parte-hartzaileei esterilla, manta eta arropa erosoa eramatea gomendatu diete. Garbiñe Elizalderen esanetara ariko dira meditatzen.
Topaketak elkartean izanen du segida, 13:30ean han bazkaltzera elkartuko baitira emakumezko lizerratarrak. Majo bazkaldu ondoren, 18:00etan, Marian Santamaria ipuin kontalariaren txanda izanen da. Lizerrako emakumien topaketa despeditzeko “La vida empieza hoy” filma ikusteko aukera izanen da.