Lizarragako portuan 40.km parean, egurra egiten ari zen gizonezkoak istripua izan zuen astelehenean, 11:33 aldera. Egurra mozten ari zela, adar batek buruan kolpatu zuen eta 69 urteko gizonezkoak konortea galdu zuen. Larrialdi zerbitzuek gaztigua jaso ondoren, ezbeharraren tokira Etxarri Aranazko osasun etxeko mediku ekipoa, Altsasuko parkeko suhiltzaileak eta foruzainak bidali zituen. Osasun langileek gizonezkoaren egoera ikusita helikopteroa eskatu zuten eta, larri zaurituta, hala eraman zuten Nafarroako Ospitale Gunera.