Eduki hau partekatzeko esteka arbelera kopiatu da.
Antzezlaneko protagonistak "dudako ortodoxia duten 3 moja dira". Domeketan mezetara joaten ez diren pertsonengana "hurbiltzea" pentsatu dute. Horretarako musika ikuskizuna antolatuko dute. Hiruak ere, "gotzainaren baimenik gabe bada ere, eliza katolikoa eraldatzen saiatuko dira. Hori bai, era xalo, ausart eta batez ere dibertigarri batean". Horretarako publikoari proposatuko diote sinatzeko eta haien liburuan jasoak geldituko diren erreforma berriak proposatzeko, hala haiek beraien "lan nekezarekin" jarraitu ahal izateko. Maite Redín, Maite Legarrea eta Nerea Benito aktoreak La Super, Sor Jenni eta Sor Martaren paperak jokatuko dituzte, hurrenez hurren. Antzezlana Mikel Mikeok idatzitako testu batean oinarritzen da eta Ramon Vidalek zuzentzen du. Catholic Cabaret antzezlana gaur, ostirala, 22:30ean ikusgai izanen da Olatzagutiako kultur etxean.