Sakandarrak IV. Olatzagutia-Urbasa mendi lasterketanGizonak:1.Aritz Kortabarria: 1:52:296.Angel Arrieta: 1:56:408.Jose Luis Beraza: 1:57:4612.Jon Arrieta: 2:01:2716.Ander Unzurrunzaga: 2:02:4122.Fermin Gabirondo: 2:05:1828.Iñaki Martiarena: 2:08:1734.Migel Angel Lanchas: 2:10:1044.Patxi Albeniz: 2:13:1748.Iñaki Lopez: 2:13:3362.Joxe Migel Garziandia: 2:15:3863.Fernando Igoa: 2:15:4265.Jose Javier Maiza: 2:16:2268.Fidel Jimenez: 2:16:4295.Migel Angel Aldaz: 2:21:4696.Fernando Ganuza: 2:21:46106.Alberto Anton: 2:22:55107.Mikel Goikoetxea: 2:22:55112.Alberto Arrizabalaga: 2:23:51118.Egoitz Aldaz: 2:25:18123.Iker Flores: 2:25:27142. Xabier Garziandia: 2:29:10153.Fernando Ariztegi: 2:31:49156.Santi Agirre: 2:32:34160.Joxi Lazkoz: 2:33:28171.Gorka Acebes Lasa: 2:35:19172.Ruben Moral: 2:36:26182.David Oroz: 2:39:08184.Migel Ocaña: 2:39:24188.Aritz Pellejero: 2:40:30195.Juanjo Otxoa: 2:42:39214.Jose Leitza: 2:45:07223.Jon Garasa: 2:47:43224.Josean Marquez: 2:47:44233.Javier Bados: 2:50:22241.Aitor Salinas: 2:51:49243. Patxi Rubio: 2:52:03250.Iñaki Ganuza: 2:53:49251.Aingeru Azazeta: 2:53:59252.Eneko Lakuntza: 2:54:35256.Fernando Mazkiaran: 2:57:12274.Carlos Manero: 3:08:23276.Arkaitz Baleztena: 3:14:35277.Carlos Goikoetxea: 3:14:40Emakumeak:1.Alizia Olazabal: 2:13:207.Maitane Txueka: 2:31:5111.Arantzazu Larrañaga: 2:52:0312.Jone Pelaez: 2:52:40Euria eta hotza ziren nagusi larunbatean, baina badirudi hori ez zitzaiela gehiegi inporta IV. Olatzagutia-Urbasa proban aritu ziren korrikalariei. "Nahiz eta arreta gehiagorekin ibili behar izan, korrika egiteko eguraldi oso ona da" zioen probako irabazle Aritz Kortabarria arrasatearrak. 27 urteko gazte hau Imanol Goñi eta Oier Ariznabarretaren aurretik gailendu zen. Aldiz, nesketan oso lehia estua izan zuten Alizia Olazabal eta Nerea Amilibia gipuzkoarrek baina lehena nagusitu zen. Olaztiko lasterketak gora egin du etengabe. Aurten 315 korrikalari zeuden izena emanda baina 296 korrikalarik hartu zuten irteera. Horietatik 290 klasifikatu ziren. Olaztitik aterata, Urbasan barna ibilaldi zabala egin zuten, besteak beste ipar gailurreriako punturik altuenera joaz, Tontorraundira (1157m) eta Altsasuko portugainetik, Morterutxo, Zelai handi, Bargagain gurutze, Gainsoil (1068m), Ziordiko portugain eta Urbasako portugainetik pasaz, atzera ere Olaztira egiteko. 23,2 km-ko proba zen, 1.367 metroko desnibel positiboa zuena, zailtasun ertainekoa. Hasieran Oier Ariznabarreta jarri zen aurrean eta erritmo oso gogorrarekin hasi zen. Lasterketa erdia baino gehiago aurretik joan zen, baina 14. kilometroan Aritz Kortabarriak aurrea hartu zion Ariznabarretari, eta hortik aurrera bakarrik osatu zuen proba (1:52:29), Imanol Goñiri ia bi minutuko aldea aterata (1:54:28). Emakumezkoetan, batera hasi ziren Olazabal eta Amilibia, baina 5.-6. kilometroan Olaztiko proban lehen aldiz aritu zen Olazabalek erritmoa bizkortu eta atzean utzi zuen Olaztiko proba bi alditan irabazi zuen Amilibia. Olazabalek (2:13:20), helmugan bi minutu atera zizkion Amilibiari (2:15:31). Euskal Herriko eta Nafarroako KopaOlaztiko proba bi txapelketetarako baliagarria zen. Alde batetik Euskal Herriko Mendi Lasterketen Koparako laugarren eta azken proba puntuagarria zen, Aramotz, Orozko eta Zumaiakoen segidan. Bada, Euskal Herriko Kopa Juanjo Igarzabal eta Elena Calvillok irabazi zuten. Eta bestetik Nafarroako Mendi Lasterketen Koparako baliagarria zen, Bera, Izaba eta Uharte Arakilgo km bertikalekin eta igandean Etxarriko ferietan jokatuko den mendira igoerarekin batera. Etxarrikoak erabakiko du. 46 sakandarNabarmentzekoa da sakandar ugari aritu zirela proban, gure kalkuluen arabera 46. Zenbaki altu hori mendi lasterketek gurean duten arrakastaren isla da. Guztietan lehena Angel Arrieta uhartearra izan zen, helmugan 6.a sartu eta gero (1:56:40); Jose Luis Beraza uhartearra bigarrena, 8.a izan eta gero (1:57:46); eta Jon Arrieta uhartearra hirugarrena, 12.a izan eta gero (2:01:27). Ander Unzurrunzaga etxarriarra 16.a sartu zen eta probako lehen beteranoa izan zen (2:02:41). Emakumezkoetan helmugan 7.a sartu zen Maitane Txueka arbizuarra izan zen lehen sakandarra (2:31:51), 11.a sartu zen Arantzazu Larrañaga uhartearra bigarrena (2:52:03) eta 12.a ailegatu zen Jone Pelaez altsasuarra hirugarrena (2:52:40).Antolakuntzak 1.200 euro banatu zituen sarietan eta horretaz gain txapelak eta trofeoak eman zizkien irabazleei. Gainera, korrikalari guztien artean 10 gazta zozketatu ziren.