Nafarroako Aldizkari Ofizialak gaur argitaratu du porlandegiari landarezko biomasa erabiltzeko baimena ematen dion ebazpena. Cementos Portland Valderrivasek porlana fabrikatzeko instalazioaren Ingurumen baimen integratua aldatzea eskatu zuen: Olatzagutiko lantegian landarezko biomasaren balioztatze energetikoa egiteko. Ingurumenaren eta Uraren zuzendari nagusi, Andres Eziolaza Carballok maiatzaren 26an eman zuen adostasuna eta gaurkoan argitaratu du Nafarroako Aldizkari Ofizialak.