Eduki hau partekatzeko esteka arbelera kopiatu da.
Olaztiko literatura taldeak hitzordu berezia du gaur. Hilero bezala, liburutegian bildu beharrean, afari-tertulia eginen dute. Bertan, Jose Saramago idazle sarituaren Ensayo sobre la ceguera liburua aztertuko dute. Nafarroako Liburutegi Sareko liburu bilduma Olaztiko udal liburutegian dago. Jose Saramagok istorio harrigarria eta berezia kontatzen du. Gizakia mugako egoera batean kokatzen du: gaixotasun kutsakor arraro batek herri gizakiak itsu uzten ditu. Itsutasun zuri batean murgilduta, gizakiek oinarrizko senaz baliatu beharko dira bizirauteko. Begirik gabeko munduan, kaosa eta desordena jaun eta jabe dira. Saramagok gizakiaren barnealdea aztertzen du, eta agerian uzten ditu gizakiaren krudelkeria. Baina argi izpi bati lekua egiten dio: kaosaren barruan maitasunarendako lekua dago. Idazle portugaldarrak Nobel Saria irabazi zuen 1998an.