Sakandarrak Olatzagutia-Urbasan (23,2 km)1.Ionut Zinca: 1:45:588.Jose Luis Beraza: 1:59:479.Ander Unzurrunzaga: 2:00:14 (lehen beteranoa)18.Jose Javier Maiza: 2:06:3121.Fco. Javier Gomez: 2:07:5522.Aritz Munarriz: 2:08:2923.Evaristo Noveleta: 2:08:3126.Gorka Santesteban: 2:10:0355.Patxi Cano: 2:18:1659.Andoni Azanza: 2:19:0162.Juantxo Arregi: 2:19:3879.Juan Carlos Gomez: 2:23:0781.Gorka Acebes: 2:23:4591.Iraitz Senar: 2:25:1295.Borja Gonzalez: 2:26:55101.Alberto Anton: 2:27:57102.Mikel Satrustegi: 2:28:04127.Alberto Arrizabalaga: 2:34:02135.Fernando Mazkiaran: 2:36:28146.Sergio Goñi: 2:39:48152.Jose Leitza: 2:41:12156.Fermin Zornoza: 2:42:35157.Juanjo Otsoa: 2:42:37166.Arantzazu Larrañaga: 2:44:21169.Maite Beregaña: 2:44:34175.Iñaki Ganuza: 2:47:03182.Jose Ignazio Otsoa: 2:51:56183.Iñaki Lacalle:2:52:17188.Javier Bados: 2:53:45189.Fco. Javier Rodriguez: 2:53:56193.Luis Tome: 2:55:11200.Izaskun Beunza: 2:59:07201.Jone Pelaez: 2:59:09204.Angel Gurmindo: 3:01:23209.Jon Garasa: 3:03:23212.Iñaki Gurmindo: 3:13:01Olatzagutia-Urbasa laburra, junior eta kadeteendako (16 km)1.Joel Aubeso: 1:31:582.Julen Paniagua: 1:35:534.Ruben Mendieta: 1:57:315.Ander Gurmindo: 3:10:45Korrika egiteko goiz ederra zegoela, 240 korrikalarik hartu zuten irteera Sutegi elkarteak antolatutako Olatzagutia-Urbasa mendi lasterketa egiteko asmoz, eta horietatik 220 iritsi ziren helmugara. Probak 23,2 km zituen, 1.367ko desnibel positiboarekin, Urbasako txoko ederrak, pagadiak eta arraso bikainak zeharkatuz eta Nafarroako Mendi Lasterketen Koparako baliagarria zen. Korrikalariek hasieran Tontorraundira (1.157 m) jo zuten, lasterketako punturik altuenera. Portugainera heldu ondoren, Morterutxo jaitsi eta Bargagainera heldu ziren(1.153 m), atzera ere Morterutxo jaitsi, Gaisol igo (1.068 m) eta bertatik Olaztirako bidea hartzeko. Hasieratik taldetxo bat kokatu zen aurrean, Aritz Egeak, Jokin Lizeagak eta Ionut Zincak osatutakoa. Erritmo bizkorrean joan ziren eta batuta eman zuten probako zatirik handiena, azkeneko jaitsierara arte. "Nahiko sufritu dut. Jaitsieran azkarrago nenbilela konturatu eta aurrera egin dut" adierazi zuen helmugan lehena izan zen Ionut Zincak (1:45:58). Aurreko astean Uharte Arakil-Beriain Km Bertikala irabaztetik zetorren gasteiztarrak Urbasan ez zuen hutsik egin. Egea bigarrena (1:46:47) eta Lizeaga hirugarrena (1:46:57) izan ziren. Emakumezkoetan borroka handia izan zen aurreneko postuetan. Bukaeran Alicia Olazabalek erritmoa bizkortu zuen eta proban gailendu zen (2:20:04), Aitziber Ibarbiaren (2:21:02) eta Elena Calvilloren (2:22:08) aurretik. Olatzagutia-Urbasa mendi lasterketako errekorra 2008an ezarri zuen Zuhaitz Ezpeletak (1:45:59), eta Zincak segundo batean hobetu du (1:45:58). Alde horretatik ere kontentu zegoen 30 urteko gasteiztarra. "Lasterketa oso polita da eta teknika dauka. Guztia ongi seinaleztatua zegoen eta oso ongi antolatuta. Eta giro politarekin. Zorionak antolatzaileei" adierazi zuen Zincak. Sakandarrei dagokienez, aipatzekoa da 35 sakandarrek osatu zutela proba. Azkarrena Jose Luis Beraza uhartearra izan zen, helmugara 8.a iritsi eta gero (1:59:47). Ander Unzurrunzaga 9.a izan zen, probako lehen beteranoa. Emakumezkoetan Arantzazu Larrañaga uhartearra 6.a iritsi zen helmugara (2:44:21), probako lehen sakandarra. Jone Pelaez altsasuarra 12.a izan zen helmugan (2:59:09), probako lehen beteranoa. Julen Paniagua bigarrena proba motzeanProba nagusiarekin batera, antolatzaileek juniorrendako eta kadeteendako lasterketa laburragoa antolatu zuten, 16 km-koa. Burgoseko Joel Aubeso izan zen azkarrena (1:31:58). Julen Paniagua urdiaindarra 2.a izan zen (1:35:53).