Sakandarrak Olatzagutia-Urbasa mendi lasterketan (23,2 km)
Gizonak
1.Aritz Egea: 1:48:46
7.Jose Luis Beraza: 1:59:31
15.Aritz Munarriz: 2:02:11
24.Beñat Katarain: 2:06:02
28.Mikel Berastegi: 2:09:00
30.Jose Javier Maiza: 2:09:32
41.Iñaki Martiarena: 2:11:37
45.Mikel Sasiain: 2:13:07
46.Alatz Agirre: 2:13:08
48.Patxi Cano: 2:13:12
50.Aitor Hernaiz: 2:13:53
56.Iker Flores: 2:15:08
62.Iraitz Senar: 2:17:37
64.Aritz Pellejero: 2:17:41
74.Fran Araña: 2:19:24
81.Gorka Acebes: 2:21:59
92.Santi Galarza: 2:23:41
103.Mikel Iriarte: 2:25:53
123.Raul Audikana: 2:33:59
125.Mikel Rubio: 2:34:42
126.Egoitz Aldaz: 2:34:43
140.Fernando Mazkiaran: 2:38:13
153.Jon Zufiaurre: 2:41:23
155.Javier SAlinas Arrieta???: 2:41:56
174.David Oroz: 2:46:40
178.Iñaki Lacalle: 2:47:06
181.Gaika Zufiaurre: 2:47:27
182.Sergio Goñi: 2:47:30
184.Fermin Zornoza: 2:47:58
187.Mikel Munarriz: 2:49:10
195.Luis Areta: 2:50:40
196.Jose Ignaio Otsoa: 2:51:15
198.Francisco Javier Rodriguez: 2:52:19
200.Julen Arratibel: 2:52:46
201.Aitor Salinas: 2:52:59
207.Fermin Astiz: 2:54:31
209.Iñaki Ganuza: 2:55:41
211.Javier Camuel: 2:56:13
224.Sergio Rodriguez: 3:01:05
226.Angel Gurmindo: 3:5:57
227.David Irigoien: 3:07:00
234.Angel Gurmindo: 3:17:45
236.Iñaki Gurmindo: 3:21:09
237.Javier Bados: 3:24:48
Emakumezkoak
1.Sandra Sevillano: 2:17:22
7.Izaskun Beunza: 2:35:40
Kadeteak
1.Josu Galvez: 1:36:56
4.Eki Imaz: 1:55:33
5.Kepa Paniagua: 2:02:55
Juniorrak
1.Ander Ibarguren: 1:31:04
4.Julen Paniagua: 1:34:55
*Oharra: Sailkapenean korrikalarien jaioterriko daturik jasotzen ez denez, gerta daiteke korrikalari sakandar guztiak ez agertzea.
312 korrikalari zeuden izena emanda 8. Olatzagutia-Urbasa mendi lasterketarako, baina azkenean larunbat goizean 283 korrikalarik hartu zuten irteera 23,2 km eta 1.367 metroko desnibel positiboa zuen proban. Sutegik antolatu zuen lasterketa, Olaztiko Udalaren eta Nafarroako eta Euskal Herriko Mendi Federazioaren laguntzarekin. Izan ere, proba Nafarroako Mendi Lasterketen Txapelketarako eta Euskal Koparako baliagarria da. Behe lainoari eguzkiak egin zion tartea eta korrika egiteko baldintzak paregabeak izan ziren.
Lasterketa Urbasako paraje zoragarrietan gauzatu zen. Korrikalariek, besteak beste, Tontorraundi (1.367), Bargagain (1:153m) eta Gainsol (1.068m) gainditu behar izan zituzten, atzera ere Olaztiko helmugaraino heltzeko. Aritz Egea gipuzkoarra izan zen jaun eta jabea (1:48:46). 3 minutu pasako aldea atera zion Walter Becerrari (1:51:50). Abderrahim El Quayedek osatu zuen podiuma (1:15:50). Emakumezkoetan lehia estua izan zuten Sandra Sevillanok eta aurreko urtean Olatzagutiko proba irabazi zuen Alizia Olazabalek. Azkenean, Olaztin estreinatu zen Sevillano izan zen azkarrena (2:17:22), Olazabali 2 minutu pasa aterata (2:19:20). Izaskun Zubizarreta hirugarren postuan iritsi zen (2:23:50).
Txapeldunak, pozik
Aipatzekoa da Aritz Egeak eta Sandra Sevillanok ekainean jokatutako Lakuntza-Aralar mendi lasterketan ere garaileak izan zirela. Olaztiko proba Euskal Koparako baliagarria zen, eta Zeanuriko azken probaren faltan, dagoeneko esan daiteke Aritz Egeak eta Sandra Sevillanok irabazi dutela kopa. Egeak hasieratik hartu zuen aurrea. “Hori da nire korrika egiteko modua, nire martxa hartu eta agoantatzen saiatu. Sentsazio onekin bukatu dut eta pozik nago” adierazi zuen, txapeldunak, helmugan. Olaztiko proban hirugarrenez lehiatu zen Egea. Lehendabizikoan hirugarrena izan zen, aurreko urtean bigarrena, Ionut Zincaren atzetik, eta aurten txapelduna izan zen. Denboraldi bikaina darama 30 urteko urretxuarrak. Horren isla, abuztuan Suitzako Zermatten jokatutak Munduko Kopan hirugarrena izan zen.
Sevillanori oso ederra iruditu zitzaion Olatzagutia-Urbasa proba eta errepikatuko duela hitz eman zuen. 30 urteko bilbotarrak adierazi zuenez, oso lehia estua izan zuen Olazabalekin. “Helmugarako 7 km-ren faltan erritmoa bizkortu eta tartea atera ahal izan dut” adierazi zuen.
Sakandarrak mailan
Sakandarrei dagokienez, ia 50 korrikalari sakandar animatu ziren proba osatzera, zenbaki potoloa. Jose Luis Beraza uhartearra 7.a iritsi zen helmugara (1:59:31). Emakumezkoetan, Izaskun Beunza olaztiarrak lan bikaina egin zuen eta emakumezkoeten 7.a sailkatu zen (2:35:40). Bera izan zen proban parte hartu zuen emakume sakandar bakarra.
Sari ematean 1.600 euro banatu ziren txapeldunen artean, trofeoak eta txapelaz aparte. Bukaeran auzate ederra izan zen guztiendako.
Julen Paniagua laugarrena juniorretan
Bestalde, juniorrendako eta kadeteendako 17 km-ko ibilaldia prestatu zuen antolakuntzak. Ander Ibarguren gailendu zen juniorretan (1:31:04), eta Julen Paniagua urdiaindarra 4.a sailkatu zen (1:34:55). Kadeteetan Josu Galvez izan zen lehena (1:36:56), Eki Imaz 4.a (1:55:33) eta Kepa Paniagua 5.a (2:02:55).
Omenaldia Agirreri
Sutegi elkarteak Mikel Agirrek urte hauetan lasterketa antolatzeko egindako lan handia eskertu nahi izan zuen. Horrela, egindako lanaren errekonozimendu gisa, oroigarri bat eman zioten.