Urte bete darama zabalik Olatzagutiko Barandi tabernak. Hasieratik kultur eskaintza izan da bere eskaintzaren osagarrietako bat eta urteurren ospakizunean ere hala izanen da. Igandean publiko guztiendako festa antolatu du. 11:00etatik 14:00etara eta 16:30etik 18:30era haurrendako jolas parkea izanen da. 12:30etik 14:00etara poni ibilaldiak eskainiko ditu. 19:00etan Larri Pompierrek pailazo eta malabare ikuskizuna eskainiko du. Eta despeditzeko, 20:00etan, Mari la vikingaren bakarrizketa saioa izanen da. Azken hori aktorea da eta Aida telesailean La Junca pertsonaiaren papera jokatzen du.
