Gabonetako oporrak betetzeko asmoz Olaztiko Sutegi klubak benjaminen mailako I. Olaztiko Gabonetako Areto Futbol Torneoa antolatu zuen abenduaren 30ean, Erburua kiroldegian. 6 taldek hartu zuten parte: Sutegik, Alipendik, Txantrea B-k, Txantrea A-k, Xotak eta Pamplonak.
Bi multzotan banatuta lehiatu ziren taldeak, ikusgarri suertatu zen txapelketan. A multzoan Txantrea B-k eta Sutegik bana berdindu zuten, Alipendiri 0 eta 15 irabazi zion Txantrea B-k eta Sutegik 5 eta 4 hartu zuen menpean Alipendi. Eta B multzoan Xotari 0 eta 5 irabazi zion Txantrea A-k, Pamplonak 7 eta 0 hartu zuen menpean Xota eta Txantrea A-ren kontrako lehian 2 eta 4 gailendu zen Pamplona.
Finalerdietan, Txantrea B-ri 1 eta 2 irabazi zion Txantrea A taldeak eta Sutegiri 0 eta 9 gailendu zitzaion txapelketan ikusgarri aritu zen Pamplona. Final handian bana berdindu zuten Txantrea A-k eta Pamplonak, baina, azkenean, penaltietan Pamplona nagusitu zen, Olaztiko Torneoa irabaziz.