Nafarroako Atletismoko korrikalari onenak Burlatako Krosean lehiatu ziren igandean, aldi berean Nafarroako Kros Laburreko Txapelketa zenean. Emakumezkoetan Maitane Melero nagusitu zen (14:09) proban eta bera izan zen Nafarroako txapelduna. Beste Iruña taldeko Izaskun Beunza olaztiarrak lasterketa bikaina egin zuen eta Burlatako proban zortzigarrena sailkatu zen (15:49), Nafarroako Txapelketan bosgarrena. Taldeka, Beunzaren Beste Iruña bigarrena sailkatu zen.
Astiz eta Munarriz
Gizonezkoetan Javier Nagore izan zen Burlatako probako irabazlea eta Nafarroako txapelduna, helmugara bakarrik iritsi eta gero (12:11). Beste Iruña taldeko Mikel Astiz ihabartarra 72.a sartu zen helmugara (14:54), Nafarroako Txapelketan 70.a, eta Aritz Munarriz etxarriarra 73. postuan sartu zen (14:57), Nafarroako Txapelketan 71.a.
Izaskun Beunza bosgarrena Nafarroako Kros Laburrean
Olaztiarraren taldea, Beste Iruñea, bigarrena sailkatu zen taldeka