"Izugarrizko lorpena izan zen eta ospatu beharra zegoen". Duela 25 urte Hezkuntza Departamentuak Olaztiko eskolan D eredua ezartzeko aukera eman zuen. Sei familia prest agertu ziren, baina hasieran Departamentuak ezezkoa eman zioten. "Guadalupe zuzendariei esker lortu zuten D eredua Olaztiko eskolan jartzea", dio Amaia Urriza eskolako irakasleak. Sei umeekin hasi zen D eredua eta gaur egun Domingo Bados eskola euskalduna dela azaldu du Urrizak. "Zazpi nazionalitateko ikasleak daude, eta guztiak dira euskaldunak".
D ereduan martxan jarri zuten ikasle, familia eta irakasleak omendu nahi dituzte urteurren ospakizunean, "esfortzu eta apustu handia izan zelako". Irakasleen oroitzapen onak dituztela esan du Urrizak.
Egitaraua
11:00 Aurkezpena, San Migel plazan.
11:15 Tortilla lehiaketa, San Migel plazan.
12:00 Txupinazoa. Buruhandien irteera. Tailerrak. Altxorraren bila, San Migel plazan.
12:00 Ginkana (bizikleta edo patinak eraman), kiroldegian.
13:00 Futbola. Mahai jolasak (toka, partxisa, kartak, ping-pong), areto futboleko pistan.
13:00 Herri kirolak, Sarasate plazan.
14:30 Herri bazkaria, San Migel plazan.
16:30 Erromeria.eus, San Migel plazan.
Goizean zehar munduko gozoak, tea eta pintxoak.
"Esfortzua eta apustua" egin zuten familiak, ikasleak eta irakasleak omendu nahi dituzte larunbatean.