2.200 euroko isuna eta 10 puntu kenduta

Foruzaingoak geldiarazitako autoa.

Automobilismo proba zela eta, Foruzaingoak dispositibo berezia izan zuen

Alde batetik, Foruzaingoak droga kontsumoa saihesteko prebentzio kontrola jarri zuen Urbasako portuan larunbat goizean. Altsasuko polizia-etxeko foruzainekin batera txakur-gidari  taldekoak ere izan ziren. Bestetik, Automobilen Delinkuentzia Taldeko poliziak izan ziren ere. Foruzaingoak jakinarazi duenez, azken horiek 22 urteko iruindarra geldiarazi eta lau isun jarri zizkioten: asegururik gabe gidatzeagatik 1.500 euro, autoak IAT pasa ez izanagatik 200 euro, alkohol testean positibo emateagatik 500 euro eta 4 puntu eta drogen testean  positibo emateagatik (THC eta kokaina) 1.000 euro eta 6 puntu.  
 

Bestetik, foruzainek Urbasako igoeran izandako harrapaketa ikertu zuen. Bidetik atera zen auto bat toki ezegokian zegoen argazkilari batek harrapatu zuen. Zorionez, gizonezkoak ez zuen aparteko zauririk izan.