Abenduaren 28an IV. Hierros Aldasoro Areto Futboleko Torneoa jokatu zen Olaztiko Erburua kiroldegian, Olaztiko Sutegi taldeak hainbat babeslerekin antolatutakoa. Hiru taldek hartu zuten parte torneoan: Uharte Arakilgo Aralar Mendik, Araiako Alipendi Zalditxok eta Gasteizko Batzarrek. Hirurak elkarren kontra aritu ziren eta partida gehien irabazi zituen taldea izan zen txapelduna. Gasteizko Batzarre taldeak 5 eta 3 irabazi zion Aralar Mendiri eta Alipendi Zalditxoren kontra bana berdindu eta gero, penaltietan gailendu ziren Gasteizkoak. Hortaz, aurreko urtean bezala garaipena Gasteizera joan zen.