111 korrikalari inguruk parte hartu zuten Sutegi taldeak antolatutako 18. Olaztiko San Silvestrean. Ohikoa denez, 4 kategorietan jokatu ziren lasterketak, giro ederrean. 7 urte bitartekoen arteko lasterketan Jaliana, Markel Araña eta Lier Lopez de Goikoetxea gailendu ziren mutilen mailan, eta Maialen Aldabe, Iman eta Nora Luquin nesken mailan; 8 eta 11 urte bitarteko lasterketan Mikel Aldaz, Eneko Pinto eta Yusef izan ziren azkarrenak mutiletan eta Haizea Trevejo, Iria Castro eta Naroa Otxoaerrarte emakumezkoetan; 12 eta 15 urtekoen artean Ander Amezgarai, Ahsraf eta Haran Trevejo izan ziren azkarrenak mutiletan eta Maren Huegun, Mara Gomez eta Maddi Goya emakumezkoetan; azkenik, 16 urtetik gorako proba nagusian Raul Audikana, Eduardo Lezea eta Gorka Acebes gailendu ziren gizonezkoetan eta emakumezkoetan Maitane Vilariño, Miren Lezea eta Vanesa Galbete.
