Olatzagutiko Udalak jakinarazi du heldu den ikasturtean herriko musika eskolan ikasi nahi duenak hilabete hau duela izena emateko. Horretarako interesatuek lehenik www.olazti.eus web orrian dagoen matrikula-orria bete behar dute. Hori egin ondoren olazti@olazti.com e-postara bidali beharko dute. Bestela, udaletxeko sarrerako buzoian sartu daiteke matrikula orria. Hilaren 30era arte egin daiteke matrikula.
Olatzagutiko udal musika eskolaren eskaintza honakoa da: musika mugimendua (5 urtetik gora) eta musika hizkuntza, soinua, trikitixa, pianoa, gitarra, saxofoia eta tronboia.