Nafarroako ehunka irristalari Olaztiko Erburua kiroldegian bilduko dira larunbat goizean. Izan ere, Olaztin abiatuko da Nafarroako Kirol Jokoen Nafarroako Abiadura Irristaketa Indoor Txapelketa. Hain zuzen ere, txapelketako lehen jardunaldia jokatuko da. Sakana Patin irristaketa taldea izango da ekitaldia antolatuko duena, Nafarroako Irristaketa Federazioaren eta Olaztiko Udalaren laguntzarekin, eta klub sakandarrak lan handia du aurretik, Nafarroatik etorritako ehunka irristalarik hartuko dutelako parte, tartean Sakana Patin klubeko irristalariak.
Kategoria guztietako lasterketak izango dira Olaztin 10:00etatik aurrera jokatuko direnak, kategoria txikienetatik senior mailara.