Larunbatean IV. Solo Renault Turbo Rallya jokatu zen Samanon (Cantabria). Izenak dioen bezala, soilik Renault etxeko autoek lehiatzeko aukera izan zuten. Iban Lopez de Goikoetxea pilotu olaztiarrak bere Renault 5 Turboa martxan jartzeko aukera aprobetxatu zuen eta Javi Fernandez mungiarra kopilotu zuela parte hartu zuen lasterketan. Tamalez, lasterketako lehen eremuan zeudela autoak matxura izan zuen eta proba bertan behera utzi behar izan zuten. Irabazlea Gavy Reyes kataluniarra izan zen.