Mari Carmenek aspaldi zuen buruan Olatzagutia eta Iruñea arteko bidea korrika egiteko ideia. Zaletasunagatik lasterka egiten zuen; Urbasan entrenatzen zen. Lan fisikoaz aparte, psikikoa behar zuela uste zuen, eta bere burua prest ikusi zuenean ekin zion erronkari. Baita bete ere. Olatzagutiatik 09:15ean abiatu zen . Errepide zaharretik joan zen, eta hiriburura 13:42an iritsi zen. Beraz, ibilbidea lau ordu eta 27 minutuan egin zuen. 14:30erako etxean zegoen, autoz bueltatuta.
