Olaztiko XIX. San Silvestrea abenduaren 31n, larunbatean, jokatuko da, eguerdian; 11:30etik aurrera jokatuko da, frontoitik abiatuta. Sutegi kirol elkarteak antolatzen du proba eta aurten lasterketa arratsaldetik goizera pasatzea erabaki du. Lau kategoria izanen dira: txikiak, 7 urtera arte, 300 metro; 8 eta 11 urte bitartekoak, 600 metro; 12 eta 15 urte artekoak, zirkuituari itzuli bat, 1.240 metro, eta helduak, 16 urtetik gorakoak, zirkuituari lau itzuli, 5 kilometro inguru. Izena ematea egunean bertan proba hasi aurretik, 11:00etatik aurera, izanen da frontoian. Bukaeran sari ematea izanen da.