Enplegu publikoko behin behinekotasunak egiturazko plazen %8 ez gainditzeko, Olatzagutiko Udalak 2023ko lan publikoaren eskaintza onartu du. Hartan aurreikusi du hiru lanpostu betetzea, guztiak ere funtzionarioen araubidekoak. Bi lanpostu zerbitzu anitzetako enplegatuarenak dira, D mailakoak eta euskarazko B1 eskakizuna dutenak. Beteko den hirugarren lanpostua eraikin eta udal bulegoen garbiketakoa da. E maila lanpostua da eta euskarazko B1 hizkuntza eskakizuna du. Hiru lanpostu horiek betetzeko Olatzagutiko Udalak lehiaketa oposizioak deituko ditu. Lanpostuak aurten eta heldu den urtean betetzea aurreikusi du udalak.
Udalak hiru lanpostu beteko ditu
Lan publikoaren 2023ko eskaintza jaso du.