Geroz eta gutxiago geratzen da Sakanako motor festa handirako. Urriaren 5ean jokatuko da XLII. Urbasako Igoera, Sakana Motorsport eskuderiak antolatutakoa. Izena ematea itxita, eskuderiak partaideen behin-behineko zerrenda argitaratu du: 102 pilotu daude, momentuz, zerrenda probisionalean. Sakana Motorsportek azaldu du urriaren 2an argitaratuko duela behin betiko pilotuen zerrenda ofiziala.
Sakana Motorsport
Behin behineko zerrendan Sakana Motorsport eskuderiako Ander Gurmindo Vicente (Renault Clio Sport), Arkaitz Irigoien Barandiaran (Renault Clio), Asier Juanez Garcia (Renault Clio Sport), Delfin Goikoetxea Esnaola (Brand PRM Proto Alpine), Iker Palacios Andueza (BRC B52) eta Odei Juango Valera (BMW E46). Bestalde, Gaizka Mateos Mirandak Agurain eskuderiarekin jokatuko du (Citroën Saxo VTS) eta Jesus Perez de Obanos Belokik Arakil Motorsportekin (Seat Leon).
Barketa eta auto berezienen artean, Iker Palaciosekin (BRC B52) eta Delfin Goikoetxearekin (Brand PRM Proto Alpine) batera, Arkaitz Ordoki (Nova Np-03), Daniel Jimenez Martinez (BRC B49), Luis Miguel Alonso Mayor (Osella PA 21JRB), Miguel Gutierrez Pereda (Norma M20 FC), eta Unai Arretxe (Speed Car GT 1000) dira aipagarrienak.