Landa Adimena proiektuaren bidez Nafarroako Tokiko Ekintza talde diren Cederna Garalurrek, EDER Patzuergoak eta Erdialdeko Patzuergoak herrietan bizi eta lan egiten duten pertsonei ahotsa eman nahi diete, munduari topikoetatik eta aurreiritzietatik urrun bizi duten eguneroko errealitatea erakutsiz eta bizitza proiektu bat garatzeko landa inguruneak dituen indarguneak aldarrikatuz. Egitasmoaren barruan bi ekimen izanen dira Olatzagutian: literatura topaketa ilbeltzaren 10ean eta zineforuma ilbeltzaren 17an.
Ilbeltzaren 10ean, ostirala, 19:00etan, Blanca Eslava idazlearen Paisajes del agua liburuaren literatura topaketa izanen da, Olatzagutiko liburutegian. Ilbeltzaren 17an, 19:00etan, Olatzagutiko kultur etxean, Maddi Barber zinemagilearen 592 metros filmaren emanaldia eta solasaldia izanen da; Itoizko urtegiaren eraikuntzak eragindakoak kontatzen du filmak.
Ekimenetan parte hartzeko aurretik izena eman behar da, 664 388 696 telefonoaren Whatsappera.