Martxoaren 16an XXXV. Lekunberriko Krossa jokatu zen, bere garaian jokatzen zen Lekunberriko Legoa-Txikito de Arruitz Memorialaren oinordekoa. Kategoria guztiak kontuan hartuta, guztira 228 korrikalarik hartu zuten parte.
Lasterketa luzea 8,8 km-koa zen eta Raul Amatrain uitziarra (30:41) eta Nerea Murua altzoarra (33:59) izan ziren garaileak. Felix Benjumea altsasuarra oso fin ibili zen eta bosgarren sailkatu zen (33:22).
Ibilbide laburrak luzearen distantzia erdia zuen, 4,4 km, eta Atarrabiako Unai Perez (14:41) eta Uitziko Guratz Azpiroz (17:52) izan ziren azkarrenak. Amaia Aristu olaztiarra seigarren emakumea izan zen (21:19). Manuel Jesus Siles hamaseigarren iritsi zen helmugara (21:24).