Ekonomia Zirkularraren eta Berrikuntzaren Zerbitzuko zuzendariak, ebazpen bidez, baimena eman dio Cementos Portland Valderrivas enpresari bere Olatzagutiko zementu fabrikan biomasa erregai gisa erabiltzeko. Beraz, "biomasa-hondakinen balorizazio energetikorako instalazioaren proiektua aurrera" eginen du. Horren ondorioz, instalazioak eta hango jarduerak ebazpenaren eranskinetan agertzen diren baldintzak bete beharko dituzte.