Autokontsumorako instalazio fotovoltaikoa eskolako frontoiko teilatuan jarri nahi du Olatzagutiko Udalak. Lanak 71.436,92 euroko (BEZ barne) aurrekontua du. Kontratua eskuratu nahi duen enpresak bere eskaerak garagarrilaren 15eko 23:59rako aurkeztu beharko du. Lanak egiteko ardura hartzen duen enpresak 60 egun izanen ditu horiek despeditzeko.
Eguzki plaka horien helburua izanen da udal-kontsumoen zati bat estaltzeko energia elektriko berriztagarria sortzea, autokontsumorako eskema partekatu baten barruan, energia trantsizioa eta tokiko energia-aurrezpena sustatuz.
Jarriko den instalazioa 128 eguzki plakez osatuta egonen da, eta sistema 500 Wp-eko puntako potentzia dute. Sorgailu fotovoltaikoaren potentzia instalatua 64 kWp izango da. Metatze-bateria bat ere jarriko da ere. Bateria litio-ferrofosfatokoa izango da eta 10 kWh-ko biltegiratze gaitasunekoa. Bateriak aukera emango du autokontsumo-maila handitzeko, soberakinak kontsumo handiagoko orduetara lekualdatzeko eta udal-kontsumoen energia-kudeaketa hobetzeko, instalazioaren eraginkortasun globala areagotuz.