Arakilgo alkate Javier Lazcoz Olaecheak esan digunez, "jende asko da inguruko herrietatik ermitara paseatzen etortzen dena. Gainera, dermioko bideetan porlana jartzearekin batera ibilbide politak sortu dira. Jendea egoteko toki egoki bat prestatu nahi dugu hemen". Lanek 8.000 euro inguruko aurrekontua izan dute eta zati bat Nafarroako Kutxaren Zuk aukeratu, zuk erabaki programaren bidez finantzatu da.