Horregatik "Euskal Preso Politikoen Kolektibo osoa berehala Euskal Herriratzeko exijituz", ostiralean manifestazioak eta astelehen eguerdian kontzentrazioak egin eta konpromisoak hartzeko deia luzatu du Etxerat-ek. Auto istripu baten ondorioz asteburuan preso baten senidea hil ondoren egin ditu adierazpen horiek presoen senideak biltzen dituen erakundeak. Bestalde, Etxerat-eko hainbat kidek, sakandarrak tarteko, Donostiako Artzain Onaren katedralean mugagabeko itxialdia hasi zuten larunbatean. Protesta ekitaldi horrekin presoen egoera "larria" salatu nahi du Etxerat-ek.